Giacomo Marramao será substituído por Fabien Tarby e Bermudo Ávida por Quintín Racionero. A Aula Castelao de Filosofía comunica a baixa de Giacomo Marramao así como a de José Manuel Bermudo, por motivos persoais. Substituiranos Fabien Tarby e Quintín Racionero, respectivamente. Así, Quintín Racionero, reputado filósofo, estará o xoves ás 10,30 da mañá no Auditorio de Novagalicia Banco, ofrecendo a conferencia “A excepción europea. O problemático papel do Estado-Nación na economía global”. Analizará a situación na que queda ou o papel ao que se adscribe o Estado, como forza política, nun contexto internacional dirixido por intereses macroeconómicos ou financieiros.Fabien Tardy, filósofo novo seguidor da liña francesa iniciada por Deleuze, dalgún xeito seguida por Badiou, falará no canto de Giacomo Marramao. Isto é, o venres ás 10,30 no auditorio de Novagalicia Banco, en Pontevedra. Partindo da súa formulación teórica, a saber, materialismo e posibilidades revolucionarias, falará sobre “As dialécticas europeas”. Nesta ponencia observará o dispositivo que pon en marcha o materialismo político e a súa posible conxugación cunha ontoloxía da multiplicidade, de modo que sexa posible articular vías de emancipación social e política que respondan ás circunstancias actuais.

Este ano a SGF contará como un curso de formación para o profesorado de 20 horas, xa que está solicitada a homologación á Consellaría de Cultura, Educación e Ordenación Universitaria (toda a xeira do luns, e as sesións de tarde e noite até o venres, fóra do horario lectivo). Asemade, como en anos anteriores, a asistencia a toda a edición da XXIX SGF tamén contará coa homologación da Universidade de Vigo (con 2 créditos de libre configuración). 

O prazo de matriculación rematou o domingo 8 de abril de 2012. Para acadar o certificado da SGF, será obrigatorio asisitir ás sesións. Para @s non matriculad@s, a asistencia será libre. Como en anos anteriores tódalas sesións terán lugar no auditorio de NGB, con acceso dende a rúa Augusto González Besada e a praza de San Xosé, en Pontevedra.

O Diploma de 30 horas para a obtención de 2 créditos de libre configuración, só é válido para a Universidade de Vigo (ou calquera outra, dependendo dos seus convenios internos). Para obter este Diploma é necesario asinar 6 veces ao longo da SGF, validándose as mañás, tardes e noites. Na noite do venres non se pasarán listaxes.

Lembrade que os diplomas que se darán o venres son válidos unicamente para a Universidade. Os da Consellería entregaranse con posterioridade, ben a través do correo electrónico edu.xunta, ben en papel para as persoas alleas á Consellaría.

A Consellaría de Cultura, Educación e Ordenación Universitaria concedeu a homologación provisional para a presente edición da Semana Galega de Filosofía, homologación idéntica á de calquera outro curso publicitado. Animádevos e matriculádevos na XXIX SGF “Filosofía e Europa”! Así, este ano a SGF poderá contar como un curso de formación para o profesorado de 20 horas. A duración correspondente  para obtención do certificado de asistencia neste curso, repártese así: toda a xeira do luns e as sesións de tarde e noite até o venres, fóra do horario lectivo. Asemade, como en anos anteriores, a asistencia a toda a edición da XXIX SGF (mañás, tardes e noites de luns a venres) tamén contará coa homologación da Universidade de Vigo (con 2 créditos de libre configuración).

Xa podedes matricularvos na XXIX Semana Galega de Filosofía, “Filosofía e Europa”. Para iso, podedes acceder dende a ligazón da web (na parte superior, no centro: Formulario de inscrición). Este ano a SGF poderá contar como un curso de formación para o profesorado de 20 horas, xa que está solicitada a homologación á Consellaría de Cultura, Educación e Ordenación Universitaria (toda a xeira do luns, e as sesións de tarde e noite até o venres, fóra do horario lectivo). Asemade, como en anos anteriores, a asistencia a toda a edición da XXIX  SGF tamén contará coa homologación da Universidade de Vigo (con 2 créditos de libre configuración). 

O prazo de matriculación remata o domingo 8 de abril de 2012 (incluído). Para acadar o certificado da SGF, será obrigatorio asisitir ás sesións. Para @s non matriculad@s, a asistencia será libre. Como en anos anteriores tódalas sesións terán lugar no auditorio de NGB, con acceso dende a rúa Augusto González Besada e a praza de San Xosé, en Pontevedra. A LISTAXE DE ADMITID@S, FARASE PÚBLICA AO REMATE DO PERÍODO DE MATRICULACIÓN.

programa XXIXsemana filosofia

Entre os días 25 e 29 de abril de 2011 celebrouse en Pontevedra a Semana Galega de Filosofía, co título de Filosofía e Mentira. Como en anos anteriores tódalas sesións tiveron lugar no auditorio de Novacaixagalicia, con acceso dende a rúa Augusto González Besada e a praza de San Xosé.